BANJAR WAHINI

BANJAR WAHINI

Anak cucu urang banjar wahini

Banyak kada bisa basurahan lagi

Bukannya kuitan kada malajari

Kada tahu jua napa jadi kaini

   Ada nang tahu piragah kada mangarti

   Di pandiri banjar ranai manuli

   Kurihing kurihing bahanu takulibi

   Sanunuhnya baucap taranti ranti.

Ada nang mimang kadatahu handak maharti

Kadida sapa pulang handak malajari

Kuitan gin kada basurah banjar lagi

Apalagi di sakulah melayu hak damini

   Ayuh anak cucu nang di sayangi

   Jangan supan manyalaputi diri

   Sasamaan kita balajar mandarasi

   Supaya banjar kada lanyap di duniawi.

Hasil ulahan: TokNgah Banjar

BANJAR BAHARI

BANJAR BAHARI.

Dari subarang asalnya paninian

Badatang marantau basama padatuan

Cakal hati manarussakan kahidupan

Manabas balukar batabang hutan

Mambuka tanah maulah pahumaan

Baulah pupundukan hagan paguringan

Rajin bacari ikan di lulupakan

Bacari buruan hagan makan saharian

Batanam hubi hagan makan sampingan

Batanaman jua babagai sayuran

  Urang banjar bahari pawanian

  Kada kira lalaki atawa bibinian

  Wani sarabanya walau bagana sandirian

  Bangsa lain banyak nang takutan

  Tasilap sadikit mau batimpasan

  Atawa jua mau haja basusudukan

  Taga kadaapa gampak jua di ungkaiakan

  Sabujurnya banjar urangnya baiman

  Kada maulah nang di tangattakan

  Kada lalai suruhan Tuhan.

Hasil ulahan: TokNgah Banjar

KULAAN

KULAAN.

Dimana mana rupanya ada kulaan

Di negeri timur barat utara selatan

Amun dahulu banyak kada katahuan

Teknologi moden mambagi jalan

  Dilaman facebook banyak katamuan

  DiWhatsapp jua kada katinggalan

  Kada kira lalaki atawa bibinian

  Sunyaan hingkat di ulah kawan

Musti pun kada tapi ruhui bapandiran

Dialam maya kadada nang supan

Manaip bahasa banjar kalatuian

Mangaku banjar asalnya katurunan

  Ayuh kukulaan kita sebarkan

  Biar dunia tahu kita kada katinggalan

  Bahasa banjar warisan paninian

  Jangan hampai hilang di taguk zaman.

Hasil ulahan: TokNgah Banjar.

SELOKA DI HARI TUHAK

SELOKA DI HARI TUHAK (Edesi banjar)

TokNgah Banjar

AKU HANYALAH PENEROKA

AKU HANYALAH PENEROKA

GURINDAM UNTUK AYU (Ayg Ayusal)

Ayg Ayusal panggilannya Ayu,

Berasal dari Negeri di bawah bayu

Sememangnya manis lagi ayu,

Mata memandang pastinya tak jemu,

Senyumnya manis memikat kalbu,

Hingga mendatangkan rasa cemburu,

Pastinya ramai yang terpaku,

Tentunya ramai yang suka pada mu,

Boleh jadi ada yang kata I love You,

Kalau kau menggoda pasti akan layu,

Pada mereka yang selalu merayu rayu,

Tapi ku kira Ayu tidak begitu.

Pelajaran mu tinggi lagi berilmu,

Status mu tiada yang tak menentu,

Tiada yang bohong tiada yang tipu,

Semuanya bernas lagi jitu,

Bersyukurlah Ayu di kurniakan begitu,

Cekal menghadapi ujian di zaman serba maju,

Tahu memilih jalan yang di tuju,

Kepada ALLAH jua tempatmu mengadu.

Pada-ku Ayu tiada maksud yang tertentu,

Tidak lebih sekadar rakan Facebook ku,

Cukuplah sekadar ingat akan coretan ku,

Akhir kata kemaafan jua ku pinta darimu.

Iklas dari: AAB.

WAYAH LAGI ANOM (Hagan lalaki)

WAYAH LAGI ANOM (Hagan lalaki)

Amun ikam masih anum lagi

Jangan pangulir rajinlah bagawi

Kumpulakan duit lalu di simpani

Nyaman kinak amun handak babini

Kada bahutang di sana sini

Kada mangalihi urang lain lagi

Jangan kalumpanan kuitan di bagie

Jasa urang tuhak dah banyak mamudali

Balajar sampai kasakulah tinggi tinggi

Jaga tingkah laku parangai di baiki

Babudi bahasa biar kita di hurmati

Baramal basambahyang musti di patuhi

Bibinian gin suka lalaki kaya ngini

Mun dah sampai waktunya kini

Cari la pasangan hagan di kawini

Mudahan babahgia sampai kita mati

Hasil Karya: Atok Angah Banjar.