GURINDAM UNTUK AYU (Ayg Ayusal)

Ayg Ayusal panggilannya Ayu,

Berasal dari Negeri di bawah bayu

Sememangnya manis lagi ayu,

Mata memandang pastinya tak jemu,

Senyumnya manis memikat kalbu,

Hingga mendatangkan rasa cemburu,

Pastinya ramai yang terpaku,

Tentunya ramai yang suka pada mu,

Boleh jadi ada yang kata I love You,

Kalau kau menggoda pasti akan layu,

Pada mereka yang selalu merayu rayu,

Tapi ku kira Ayu tidak begitu.

Pelajaran mu tinggi lagi berilmu,

Status mu tiada yang tak menentu,

Tiada yang bohong tiada yang tipu,

Semuanya bernas lagi jitu,

Bersyukurlah Ayu di kurniakan begitu,

Cekal menghadapi ujian di zaman serba maju,

Tahu memilih jalan yang di tuju,

Kepada ALLAH jua tempatmu mengadu.

Pada-ku Ayu tiada maksud yang tertentu,

Tidak lebih sekadar rakan Facebook ku,

Cukuplah sekadar ingat akan coretan ku,

Akhir kata kemaafan jua ku pinta darimu.

Iklas dari: AAB.

WAYAH LAGI ANOM (Hagan lalaki)

WAYAH LAGI ANOM (Hagan lalaki)

Amun ikam masih anum lagi

Jangan pangulir rajinlah bagawi

Kumpulakan duit lalu di simpani

Nyaman kinak amun handak babini

Kada bahutang di sana sini

Kada mangalihi urang lain lagi

Jangan kalumpanan kuitan di bagie

Jasa urang tuhak dah banyak mamudali

Balajar sampai kasakulah tinggi tinggi

Jaga tingkah laku parangai di baiki

Babudi bahasa biar kita di hurmati

Baramal basambahyang musti di patuhi

Bibinian gin suka lalaki kaya ngini

Mun dah sampai waktunya kini

Cari la pasangan hagan di kawini

Mudahan babahgia sampai kita mati

Hasil Karya: Atok Angah Banjar.

WAYAH LAGI ANOM (Hagan bibinik)

WAYAH LAGI ANOM (Hagan bibinik)

Ini nasihat hagan bibinian

Patuhilah sagala suruhanTuhan

Patuhilah jua kaduanya kuitan

Jaga tingkah laku baparangai supan

Baik2 mamilih pada bapakaian

Mamakai tudung jangan rambut kalihatan

Makai lunggar2 jangan talihatnya binjulan

Manutupi aurat itu satu kawajipan.

Manjaga kabarsihan itu di utamakan

Mandi hari2 jangan awak babauan

Bapupur bagincu itu satu kamustian

Nyaman di tiring bagaikan jelitawan

Jadi bibiniaan jangan panguliran

Jangan malandau sampai bangun kasiangan

Di tulungi kuitan dirumah bagawian

Di dangani jua kuitan bamasakan

Nyaman jua kina amun hudah bakawinan

Sagalanya mudah hudah ada pangalaman

Jadi bibinian musti tahu supan

Jangan gidik2 amun ada lalakian

Basabar mahadapi sagala cabaran

Mudahan batamu jodoh awan nang bariman.

Hasil Karya: Atok Angah Banjar

GURU (Edesi Banjar)

GURU(Edesi Banjar)

Dari lahirnya kita kadunia

Umak ayah lah guru nang partama

Maajar kita barbagai parkara

Makan, nginum, bakamih, bahira,

Kada katinggalan bapakaian sarbanika

Samua kuitan lakukan kada bakira

Dari halui di lajari mambaca

Di lajari jua mahitung mangira

Di lajari jua mambaca alif ba ta

Di lajari jua basambahyang bapuasa

Kada katinggalan ilmu agama.

Mudahan kainak jadi urang nang baguna.

Bila tiba waktunya remaja,

Ka sakulah pulang di antarnya,

Banyak guru nang maajar di sana

Babagai ilmu babagai suasana

Ilmu sains, matematik wan jua bahasa,

Sejarah, inggeris wan jua agama,

Semua di ajar sacara bijaksana,

Guru maajar iklas wan redha,

Ilmu di palajari batambah sampurna,

Hagan kaparluan di hari tuha.

16 Mei hari guru sadunia

Mimang patut di-ganang samuanya

Pada guru guru nang banyak barjasa

Ucap terima kasih segala pengurbanannya

Sampai kita jadi manusia nang baguna.

Bersyukur pada ALLAH jangan di lupa.

Oleh: AAB.

BARSYUKUR (Edesi Banjar)

BASYUKURLAH...

Hidup di dunia parlulah basyukur

Ingat pada ALLAH kita parlu akur

Ulah nang disuruh, jangan nang di tagur

Mangucap Kalimah jangan lagi mundur.

Hidup di dunia parlulah basyukur

Sambahyang 5 waktu parlu di atur

Jangan sampai kinak di lubang kubur

Di takuni munkar nakir awak manggalupur

Hidup di dunia parlulah basyukur

Bangun pagi pagi jangan nak malalur

Tiba bulan puasa bangunlah basahur

Jangan tangahari bacari nasi di dapur

Hidup di dunia parlulah basyukur

Mun banyak harta basadakah di tabur

Bafitrah bazakat jangan jadi kufur

Mudahan hidup dunia ahirat jadi makmur

Hidup di dunia parlulah basyukur

Jangan lagi kalunyur kalunyur

Tulak ka Makah kumpul duit ansur ansur

Mudahan mandapat haji nang mabrur

Hasil Karya: Atok Angah Banjar.

UMAK (Emak) Edesi Banjar

UMAK

 Wahai umak nang di kasihi,

Bukan satahun sakali hanyar di ingati,

Patut di ingat pada tiap2 hari,

Kasih sayang anakda kada babalah bagi.

Umak kita hanya satu di dunia ini,

Mun ada umak lain, nintu umak tiri,

Kada sama awan umak nang sejati,

Sabab ada umak kita bagana disini.

Jangan sasakali hati umak di sakiti,

Apa lagi mun handak manyariki,

Walau pun sakadar manyambat “Hi”,

Umak kita wajib banar di hurmati,

Hukum dari ALLAH wajib di patuhi.

Mun bajauhan karap2 di ilangi,

Karap jua di talipun habar ditakuni,

Mun ada duit lakas2 di kirimi,

Biar hati umak marasa sanang sakali.

Mun bulik kampong umak di tamui,

Di ikup di cium bagaikan bidadari,

Sampai umak taharu rasa di sayangi,

Bahagi aman dapat restu dari Ilahi.

Masakan umak kada hingkat di tandingi,

Nyamannya banar katika manikmati,

Mun umak hudah mahadap Ilahi,

Doakan kesejahteraan tiap2 hari

Hadiahkan Fatihah juga di tahlil li,

Kerna Syurga itu di bawah tapak kaki…..

….UMAK…..